Koronavırýs: Máskeýdegi jaǵdaı áli de kúrdeli

MÁSKEÝ. QazAqparat – Sońǵy aptanyń ishinde Máskeý qalasynda aýyr halde bolǵan 10 myńǵa jýyq patsıent aýrýhanaǵa jatqyzyldy, dep habarlaıdy QazAqparat tilshisi.

«Ókinishke qaraı, Máskeýdegi jaǵdaı kúrdeli bolyp qalyp otyr. Sońǵy aptanyń ishinde aýyr halde bolǵan 10 myńǵa jýyq adam aýrýhanaǵa jatqyzyldy. Aýrýǵa shaldyǵý qarqyny birshama báseńdegenimen, jaǵdaı áli de kúrdeli», - dep atap ótti S.Sobıanın «MyVmeste» qalalyq eriktiler aktsııasynyń shtabyna barý barysynda.

Reseıde jumys istemeıtin kúnder rejıminiń engizilýine baılanysty turǵyndardyń qozǵalysy shekteýli toby men egde jastaǵy qala turǵyndaryna kómek kórsetýdiń jalpyreseılik aktsııasy bastaldy.

«Úsh mıllıonǵa jýyq egde jastaǵy azamatymyz oqshaýlaýda otyr. Olarǵa ári áleýmettik, ári psıhologııalyq kómek qajet ekeni belgili. Memlekettik qyzmet oryndarynan bólek, bul baǵytta qoǵamdyq uıymdar men bul jaǵdaıǵa nemquraıly qaramaıtyn barlyq adamdar da jumys istegeni óte mańyzdy», - dedi Máskeý meri.

Koronavırýspen kúres júrgizý boıynsha jedel shtab málimetinshe, sońǵy táýlikte Reseıde koronavırýsqa shaldyǵýdyń 40 402 oqıǵasy tirkeldi. Qaýipti vırýstan 1 155 adam qaıtys bolyp, 23 187 patsıent jazylyp shyqqan.

Narymbek Ysmaǵulov