Koronavırýs: Mańǵystaýda 350 medıtsına qyzmetkeri ekpe aldy

AQTAÝ. QazAqparat – Mańǵystaý oblysynda erikti túrde «Spýtnık V» vaktsınasyn alǵan medıtsına qyzmetkerleri ekpeniń 2 komponentin ala bastady. Bul týraly Qoǵamdyq kommýnıkatsııa ortalyǵynda ótken brıfıngte Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti, dep habarlaıdy QazAqparat tilshisi.

Onyń aıtýynsha, búginge deıin barlyǵy 350 medıtsına qyzmetkeri ekpe alǵan. Vaktsınanyń birinshi komponentin alǵandar 24 aqpan kúni dárigerdiń ruqsatynan keıin 2 ret vaktsına saldyrady.

«Reseılik «Spýtnık V» vaktsınasy eki komponentti: birinshi komponentti alǵannan keıin ekinshisi 21 kúnnen keıin egiledi. Endi mine ekinshi komponenttiń merzimi bastaldy. Bul kezeń 1 naýryzǵa deıin jalǵasady», - dedi Ǵazız Nadýev.