Koronavırýs: Mańǵystaý oblysyna 8000 doza vaktsına jetkizildi
Bul týraly Mańǵystaý oblysy qoǵamdyq kommýnıkatsııalar ortalyǵynda ótken brıfıngte óńirdiń sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti.
Onyń aıtýynsha, óńirde 16 egý pýnktinde 7 kabınet jumys istep tur.
«Spýtnık-V» vaktsınasynyń birinshi komponentiniń 4500 dozasy jáne «Spýtnık-V» vaktsınasynyń 2 komponentiniń 3500 dozasy -18 gradýsta barlyq saqtyq rejımin saqtaı otyryp, oblysqa jetkizildi», - dedi Ǵazız Nadýev.
Búgingi tańda Mańǵystaý oblysynda vaktsınatsııalanǵan adamdardyń sany - 2155.
«Búgingi tańda koronavırýsqa qarsy 1 komponentpen 1625 adam, 2 komponentpen 530 adam vaktsınatsııalandy. Aıta ketý kerek, Qazaqstanda vaktsınatsııadan bas tartqany úshin ákimshilik nemese qylmystyq jaýapkershilik qarastyrylmaǵan», - dedi Mańǵystaý oblysy sanıtarlyq-epıdemıologııalyq baqylaý departamentiniń basshysy Ǵazız Nadýev.
Ǵazız Nadýevtiń aıtýynsha, ımmýndaýdan keıingi asqynýlar men reaktsııalar tirkelgen joq.
2021 jyldyń ekinshi toqsanynan bastap otandyq «QazCovid-In» preparatymen vaktsınatsııalaý josparlanǵan.