Koronavırýs: maman qatań dıetadan tartynýǵa keńes berdi
NUR-SULTAN. QazAqparat – Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova koronavırýs ınfektsııasyn juqtyrǵan adamdar birinshi kezekte ne isteý kerektigin túsindirdi, dep habarlaıdy QazAqparat tilshisi.
Onlaın baspasóz máslıhatynda «dıeta ustaný - koronavırýs ınfektsııasyna baılanysty ımmýnıtetti álsiretýi múmkin be?» degen suraq qoıyldy.
«Koronavırýs ınfektsııasyna baılanysty jaǵdaıdyń kúrdeli ekenin eskerip, bul kezeńde ómirdiń qalypty rejımi men yrǵaǵyn ustanǵan jón», - dedi S. Qısyqova Ortalyq kommýnıkatsııalar qyzmetinde.
Osy oraıda ol tamaqtanýdyń qalypty rejımin saqtaýǵa keńes berdi.
«Tamaqtaný tártibin kúrt tómendetýge bolmaıdy. Kalorııasy tómen taǵamdar bar, ıaǵnı ony adamdar ózderi tańdaýy kerek. Árıne, adamdar qandaı dıeta kerektigin ózderi biledi. Alaıda, biz ashyǵýǵa keńes bermeımiz», - dedi Sáýle Qısyqova.
