Koronavırýs: Qyzylorda oblysynda vaktsına saldyrǵandar sany 131 myńnan asty
QYZYLORDA. QazAqparat – Qyzylorda oblysynda koronavırýs ınfektsııasyna qarsy vaktsına saldyrǵan azamattar sany 131 myńnan asty, dep habarlaıdy QazAqparat tilshisi.
Óńirde qaterli indetke qarsy ekpe qabyldaý 1 aqpannan bastaldy. Nátıjesinde qazir vaktsınanyń birinshi komponentin alǵandar 131 myńnan assa, ekinshi komponentin 72 myńnan astam adam saldyrdy.
«Ekpe qabyldaǵan azamattar qatarynda pedagogter, medıtsına qyzmetkerleri, quqyq qorǵaý organy qyzmetkerleri, memlekettik qyzmetshiler, stýdentter bar. Oǵan qosa vaktsına saldyrǵandar qatarynda jumyssyzdar, zeınetkerler men kásipkerler sany artyp keledi. Óńirde sozylmaly syrqaty adamdar da ekpe qabyldaýǵa nıet bildirdi. Aıta keterligi, 70-86 jas aralyǵyndaǵy birqatar egde jastaǵy adamdar da qaterli indetke qarsy vaktsınalandy. Vaktsınadan keıin turǵyndarda asqyný bolǵan joq», - dedi oblystyq densaýlyq saqtaý basqarmasynan.
Qazir oblys kóleminde 19 ekpe kabıneti jáne 10 jyljymaly egý brıgadasy jumys jasaıdy. Vaktsınatsııa kabınetteri demalys, mereke kúnderi de úzdiksiz qyzmet kórsetedi. Turǵyndar «Spýtnık V», «QazVac» jáne «Hayat-Vax», «Korona Vak» vaktsınalarynyń birin tańdaı alady. Ekpeniń jetkilikti qory barlyq medıtsına uıymdarynda jasaqtalǵan.
