Koronavırýs: Qyzylorda oblysynda bes kúnde 460 adam vaktsınalandy
QYZYLORDA. QazAqparat – Qyzylorda oblysynda 5 kúnde 460 adam vaktsına saldyrdy, dep habarlaıdy QazAqparat tilshisi.
Olardyń arasynda basym bóligi medıtsına qyzmetkeri bolsa, qalǵany – ekpe saldyrýǵa nıet bildirgen turǵyndar.
«Vaktsınalaý – dál qazir aýrýdyń aldyn alyp, adam ómirin saqtap qalýdyń tıimdi ádisi. Qazir dıfterııa, sirespe, kókjótel, tumaý jáne qyzylsha sııaqty 11 ınfektsııanyń túrine josparly, 8 ınfektsııaǵa epıdemıologııalyq kórsetilimder boıynsha ekpe jumystary júrgiziledi. Jalpy alǵanda, bul vaktsınalar jyl saıyn 3 mıllıondaı adamnyń ómirin dertten saqtaıdy. Vaktsına qabyldaý ujymdyq ımmýnıtet qalyptastyrady. Al bul juqpaly aýrýlardyń taralýyn báseńdetedi», - deıdi Qyzylorda oblysynyń Sanıtarııalyq-epıdemıologııalyq baqylaý departamentiniń bólim basshysy Álııa Ydyrysova.
Óńirge «Spýtnık V» reseılik vaktsınasynyń 1000 dozasy jetkizildi. Qalǵany kezeń-kezeńimen keletin bolady. Bul jumystarǵa qazir №1, №3 jáne №6 qalalyq emhanalarda 3 egý kabınetteri daıyndalǵan. Ekpe jumystaryn júrgizýge oblys boıynsha barlyǵy 133 meıirbıke, 89 dýbler tartylǵan.
Aıta keteıik, budan buryn Qyzylordada úsh kúnde 340 adam vaktsına saldyrǵanyn habarlaǵan edik.
