Koronavırýs: Qyzylorda qalasynda zalalsyzdandyrý jumystary kúsheıtildi

QYZYLORDA. QazAqparat - Qyzylorda qalasynda karantın rejıminiń qatańdatylýyna baılanysty zalalsyzdandyrý jumystary kúsheıtildi, dep habarlaıdy QazAqparat tilshisi.

Bul maqsatta №66597 áskerı bólimi men arnaıy mekemeler belsene atsalysyp otyr. Dezınfektsııalaýdyń úshinshi kezeńinde 500 myń sharshy metr aýmaq zalalsyzdandyryldy.

«Búgingi kúnge deıin oblys ortalyǵynda 6 mıllıonǵa jýyq sharshy metr jerge zalalsyzdandyrý jumystary júrgizildi. Ol úshin 28 arnaıy tehnıka jáne 200-ge jýyq qyzmetker tartyldy. Osy baǵyttaǵy jumystardy kúsheıtý maqsatynda oblys ortalyǵynda taǵy 8 birdeı zalalsyzdandyrý tonneli ornalastyryldy. Olar úlken saýda oryndary men №2 Murager mektebiniń aýlasyna, Qorqyt Ata atyndaǵy QMÝ-dyń ǵımarattary janyna jáne qalalyq mádenı jáne demalys parkine qoıyldy», - dep málim etti Qyzylorda qalasynyń ákimdigi.

Buǵan deıin Qyzylorda qalasynda karantın rejımine ózgerister engizilgen bolatyn.