Koronavırýs: Qytaıdyń Sıan qalasynda qatań karantın engizildi

NUR-SULTAN. QazAqparat - Qytaıdyń Sıan qalasynyń bıligi koronavırýstyń taralýyna baılanysty qatań karantın engizdi, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Ákimshiliktiń buıryǵymen qalanyń barlyq turǵyndary úıde bolýy tıis. Eki kúnde bir ret birinshi kezekte qajet taýarlardy satyp alý úshin ár úıden bir adamdy jibere alady. Sondaı-aq úıden tek tótenshe jaǵdaılar kezinde shyǵýǵa ruqsat etiledi.

Tez taralatyn «omıkron» shtamynyń áserinen DDU búkil álemdegi adamdardy Rojdestvolyq jáne jańajyldyq josparlardan bas tartýǵa jáne merekelerdi keıinge qaldyrýǵa shaqyrdy.

Serbııada reseılik «Spýtnık V» preparaty koronavırýstyń «omıkron» shtamyna qarsy eń tıimdi vaktsına dep tanyldy. Preparattyń býsterlik dozasyn alǵannan keıin mýtatsııaǵa qarsy kútiletin tıimdilik 80% - dan joǵary bolýy múmkin.