Koronavırýs: Qytaıda ótetin taǵy bir olımpıadalyq týrnır ózge elge aýystyryldy

NUR-SULTAN. QazAqparat - Qytaıda ótetin Tokıo Olımpıadasyna joldama sarapqa salynatyn taǵy bir doda basqa elge aýystyryldy, dep habarlaıdy QazAqparat tilshisi.

Qytaı taekvondo odaǵy koronavırýstyń taralýyna baılanysty 10-12 sáýir kúnderi Ýsı qalasynda ótetin lıtsenzııalyq týrnırdi keıinge shegergen.

Alaıda, Halyqaralyq taekvondo federatsııasy Qytaıdyń Ýsı qalasynda ótetin lıtsenzııalyq týrnırdi basqa elde ótkizýge sheshim qabyldaǵan.

Atalǵan jarysty ótkizýge birqansha qala úmitker bolyp, nátıjesinde elektrondy daýys berý qorytyndysy boıynsha Iordanııanyń Amman qalasy qurlyqtyq irikteý týrnırin qabyldaıtyn qala bolyp qabyldandy.

Halyqaralyq taekvondo federatsııasy habarlaǵandaı, irikteý týrnıriniń ótetin orny ózgergenimen ýaqyty burynǵydaı 10-12 sáýir kúnderi bolyp qala bermek.

Esterińizge sala keteıik, osyǵan deıin Halyqaralyq Olımpıada komıtetiniń jumys toby Bokstan 2020 jylǵy Tokıo Olımpıadasyna Azııa/Okeanııa aımaqtyq irikteý týrnırin Qytaıdyń Ýhan qalasynan Amman qalasyna aýystyrǵanyn habarlaǵan bolatynbyz.