Koronavırýs: Qytaıda naýqastardyń 93%-dan astamy aýrýynan aıyqqan
NUR-SULTAN. QazAqparat - Qytaıda koronavırýs ınfektsııasymen aýyrǵan naýqastardyń 93%-dan astamy aýrýynan aıyqqan, dep habarlaıdy QazAqparat Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtabyna silteme jasap.
Qazirgi ýaqytta bul elde syrttan kelgen jáne jergilikti jerde koronavırýs ınfektsııasyn juqtyrǵandardyń sany kún saıyn azaıyp keledi. Sońǵy málimetterge sáıkes, Qytaıda koronavırýsty juqtyrǵandar sany 82 798-di quraǵan, onyń 77 207-si emdelip, aýrýhanadan shyǵarylǵan. Bul jalpy naýqastar sanynyń 93,2%-yn quraıdy. Aýrýhanalarda shamamen 1 myń emdelýshi qalǵan.
QHR Densaýlyq saqtaý máseleleri jónindegi memlekettik komıtetiniń málimetteri boıynsha, koronavırýs ınfektsııasyn juqtyrǵandardyń 93,2%-y saýyǵyp, 5,59%-y qaıtys bolǵan.
