Koronavırýs: Qytaıda bir mıllıardtan astam adamǵa ekpe salý qajet

BEIJІŃ. QazAqparat – Qytaıda ujymdyq ımmýnıtetti qalyptastyrý úshin, COVID-19 vırýsyna qarsy bir mıllıardtan astam adamǵa ekpe saldyrtý qajet. Mundaı pikirin Qytaı eliniń aýrýlardy qadaǵalaý jáne aldyn alý ortalyǵynyń bas ımmýnology Van Hýatsın bildirdi, dep habarlaıdy QazAqparat.

«Vaktsınalaý deńgeıi neǵurlym joǵary bolsa, ımmýndyq barer soǵurlym kúshtirek bolady», - dedi Van Hýatsın.

Qytaılyq ımmýnolog el turǵyndaryn ınfektsııanyń taralý jolynda qorǵanys barerin qalyptastyrý úshin tezirek vaktsına saldyrtýǵa úndedi. Bul rette ol vaktsınanyń qalypty, kovıdke deıin bolǵan ómirge tezirek qaıtyp oralý úshin mańyzdy ekenin atap ótti.

Onyń aıtýynsha, COVID-19 vırýsynyń jyldam taralýy onyń mýtatsııalanýyna múmkindik beredi. Vırýstyń jyldam mýtatsııasyn toqtatýdyń eń jaqsy ádisi – ınfektsııanyń kózin joıý bolyp tabylady, bul adamdardy tezirek vaktsınalaý jáne olarda koronavırýsqa qarsy ımmýnıtetin qalyptastyrýdy bildiredi.

Vaktsınalaýdan keıin koronavırýsty juqtyrý múmkindigine qatysty qaýiptenýge qatysty túsiniktemesin bergen qytaılyq sarapshy 3-shi fazanyń klınıkalyq synaqtary ekpe saldyrtqan adamdardyń kóbinde ımmýndyq qorǵanys paıda bolatynyn atap ótti.

Buǵan deıin QHR jetekshi epıdemıology Chjýn Nanshan Qytaı bıliginiń 2021 jyldyń maýsymyna qaraı COVID-19 vırýsyna qarsy vaktsınany el turǵyndarynyń 40-qa jýyq paıyzyna, nemese 560 myńǵa jýyq adamǵa (QHR halyq sany – shamamen 1,4 mlrd adam) egýge nıetti ekenin málimdedi.

Qytaıda turǵyndardyń basym toptaryn vaktsınalaý ótken jyldyń jeltoqsanynda bastalǵan. Sońǵy málimetterge sáıkes, búkil el boıynsha koronavırýsqa qarsy vaktsınanyń 164 mln dozasy egilgen.