Koronavırýs: Qyrǵyzstanda táýlik ishinde 15 adam aýrý juqtyryp, eki adam qaıtys bolǵan

NUR-SULTAN. QazAqparat – 2022 jyldyń 21 aqpanynda Qyrǵyzstanda táýlik ishinde COVID-19 vırýsyn juqtyrýdyń 15 jańa oqıǵasy tirkelgen, dep habarlaıdy QazAqparat Qyrǵyzstannyń KABAR aqparat agenttigine silteme jasap.

Respýblıkanyń Densaýlyq saqtaý mınıstrliginiń habarlaýynsha, olardyń 10-y Bishkekte, taǵy beseýi – Osh qalasynda tirkeldi.

Pandemııa bastalǵaly, barlyǵy 200 337 oqıǵa tirkelgen.

Sońǵy táýlikte respýblıka boıynsha COVID-19 dıagnozymen jatqan 119 naýqas jazylyp, úılerine shyǵaryldy. Olardyń ishinde: Bishkekte - 65, Osh qalasynda - 2, Shý oblysynda - 15, Osh oblysynda - 2, Talas oblysynda – 2, Naryn oblysynda – 3, Ystyqkól oblysynda – 11, Jalal-Abad oblysynda – 7, Batken oblysynda – 9 adam.

Búginde búkil respýblıkada 235 naýqas statsıonarlyq, taǵy 1366 naýqas ambýlatorlyq em alýda.

Sońǵy táýlikte COVID-19 ınfektsııasynan 2 ólim oqıǵasy tirkeldi. Respýblıkada qaýipti vırýstan 2946 ólim jaǵdaıy tirkeldi, onyń ishinde 1242-si zerthanalyq, 1704-i klınıkalyq-epıdemıologııalyq jolmen rastalǵan jaǵdaılar.

Bishkekte bir táýlikte medıtsına qyzmetkerleri arasynda COVID-19 ınfektsııasynyń 1 jańa oqıǵasy tirkeldi. COVID-19 dıagnozy qoıylǵan medıtsına qyzmetkerleriniń jalpy sany – 7742.