Koronavırýs: Quzyrly organ kezekti feık-aqparatty teriske shyǵardy
KÓKShETAÝ. QazAqparat – Aqmola oblysynda 14 adam koronavırýs juqtyrdy degen aqparat jalǵan bolyp shyqty, dep habarlaıdy QazAqparat tilshisi.
«WhatsApp-ta Aqmola oblystyq týberkýlezge qarsy dıspanserge koronavırýs juqtyrý kúdigimen 14 adam jatqyzylǵany týraly aqparat taraǵan bolatyn. Bul aqparat shyndyqqa janaspaıdy», - delingen óńirlik Taýarlar men kórsetiletin qyzmetterdiń sapasy men qaýipsizdigin baqylaý departamentiniń Facebook-paraqshasynda.
Vedomstvo qyzmetkerleri azamattarǵa rastalmaǵan aqparatty taratpaýǵa shaqyrady. Óıtkeni,jalǵan aqparat úshin qylmystyq jáne ákimshilik jaýapkershilik qarastyrylǵan.
«Jalǵan aqparattyń avtory anyqtalyp, jazaǵa tartylady. Koronavırýs ınfektsııasyna qatysty suraqtar týyndaǵan jaǵdaıda resmı aqparat kózderi – QR Densaýlyq saqtaý mınıstrligi nemese 1406 arqyly respblıkalyq call-ortalyqqa habarlasýǵa bolady», - dep tolyqtyrdy vedomstvodan.
