Koronavırýs kúdigine ilikken 61 adam aýrýhanadan shyǵaryldy

NUR-SULTAN. QazAqparat – QR Densaýlyq saqtaý mınıstrliginiń resmı ókili Dıas Ahmetshárip 6 qańtardan keıin Qytaıdan oralǵan turǵyndardyń densaýlyǵy týraly aıtty, dep habarlaıdy QazAqparat tilshisi.

«6 qańtardan keıin Qytaıdan kelgen qazaqstandyq jáne sheteldik azamattarǵa monıtorıng jasaý jalǵasýda. Olardyń 90% baqylaýǵa alyndy. Osy apta boıy biz dene qyzýy bar barlyq adamdar týraly emes, 6 qańtardan bastap Qytaıdan kelgender týraly aıtyp jatqanymyzdy eske salamyz», - Dıas Ahmetshárip Qazmedıa ortalyǵynda ótken brıfıngte.

Onyń aıtýynsha, 94 adam dene qyzýy men JRVI shaǵymymen oqshaýlanǵan aýrýhanaǵa jatqyzyldy.

«Qazir 33 adam aýrýhanada qaldy. 61 adam statsıonardan shyǵaryldy. Kún saıyn aýrýhanadan shyqqandardyń sany artýda. Barlyq aýrýhanadan alynǵan synamalar qosymsha baqylaý úshin Almatydaǵy Ulttyq ǵylymı erekshe juqpaly aýrýlar ortalyǵyna jiberiledi. Bul ortalyq jańa koronavırýsty Polımerazdy tizbekti reaktsııa ádistemesin meńgergen», - dedi D. Ahmetshárip.

Buǵan deıin mınıstrliktiń resmı ókili Ýhan qalasynan evakýatsııalanǵan stýdentterdiń aýrýhanadan qashan shyǵarylatynyn aıtqan edi.