Koronavırýs: Krýızdik laınerdegi 200-ge jýyq adamdy elsiz aralǵa jiberdi
NUR-SULTAN. QazAqparat - World Dream krýızdik kemesindegi 200-ge jýyq ındonezııalyq azamat, ekıpaj músheleri COVID-19 koronavırýsyna baılanysty karantınnen ótý úshin adam turmaıtyn Sebarý aralyna (Djakartanyń bóligi) jiberildi, dep habarlaıdy QazAqparat Jakarta Post basylymyna silteme jasap.
Ekıpaj múshelerin áskerı-teńiz gospıtaliniń arnaıy kemesimen jetkizgen.
Indonezııalyq Jakarta Globe gazetiniń habarlaýynsha, Sebarýdy elsiz aralǵa jatqyzýǵa bolady. Ol jaqta turǵyndar joq, biraq demalys pen emdelýge jaqsy jaǵdaı jasalǵan. Buryn onda esirtkige táýeldi adamdarǵa arnalǵan ońaltý ortalyǵy bolǵan.
Indonezııa Densaýlyq saqtaý mınıstrligi ókiliniń aıtýynsha, krýızdik laınerde 270 el azamaty, ekıpaj múshesi bolǵan. Biraq olardyń 188-i ǵana aralda karantınnen ótýge kelisim berdi. Basqalary kemede qaldy.
