Koronavırýs: Qostanaılyq dárigerler óńir turǵyndaryna úndeý jasady
«Koronavırýs ınfektsııasyn juqtyrǵandar sanynyń kóbeıýine, oblystyń «qyzyl»aımaqqa ótýine baılanysty Qostanaı oblysy ákimdiginiń densaýlyq saqtaý basqarmasy barlyq qajetti karantındik sharalardy (dıstınfıkatsııa, dezınfektsııa, gıgıena, maskalar) saqtaýǵa shaqyrady. Óıtkeni, ár turǵynnyń qatysýynsyz qajetti nátıjege qol jetkizý qıyn bolmaq», - delingen úndeýde.
Aımaqtyq aqparattyq shtabtyń málimetteri boıynsha, 2021 jyly 10 shildede Qostanaı oblysynda COVID-19-nyń 81 jaǵdaıy tirkeldi, táýligine syrqattanýshylyqtyń ósý qarqyny 0,46% qurady. Eldi mekenderdegi aýrý kelesideı bólindi: Qostanaı - 40, Rýdnyı - 16, Arqalyq - 13, Jitiqara - 5, Maılın jáne Qarabalyq aýdandarynyń árqasysynda 2 jaǵdaı, Sarykól, Qarasý jáne Qostanaı aýdandarynda 1 jaǵdaı. Al 65-i óz betimen kelip qaralǵandar, 11-i koronavırýs ınfektsııasynyń rastalýyna baılanysty, 5-eýi aldyn alý maqsatynda qaralǵandar.
Aýrý juqtyrǵandardyń 71-iniń aýrý belgileri bar, 10-y sımptomsyz.
Qostanaı oblysynda 2020 jyldyń 3 sáýirinen bastap 2021 jyldyń 10 shildesine deıin COVID-19-niń 17395 jaǵdaıy tirkeldi. Saýyqqandar sany - 16497.
Eske sala ketsek, el óńirlerindegi epıdemıologııalyq jaǵdaıdy baǵalaý matrıtsasyna sáıkes 10 shildede Qostanaı oblysy CVI taralýynyń «sary» aımaǵynda bolǵan.
