Koronavırýs: Qostanaıda jalǵan aqparat taratqandarǵa qatysty qylmystyq is qozǵaldy
QOSTANAI. QazAqparat – Qostanaılyq tártip saqshylary áleýmettik jelilerde COVID-19 ınfektsııasynyń taraǵany týraly jalǵan aqparat taratqandarǵa qatysty qylmystyq is qozǵady, dep habarlaıdy QazAqparat.
«Qazirgi ýaqytta WhatsApp messendjerinde Qostanaı oblysynyń Qarabalyq jáne Denısov aýdandarynda koronovırýs ınfektsııasymen aýyratyn naýqastar anyqtalǵany týraly habarlama taraldy. Biz bul aqparatty teriske shyǵaramyz. Oblysta COVID-19 koronavırýs ınfektsııasyn juqtyrǵandar joq!» - delingen Oblystyq taýarlar men qyzmetterdiń sapasy men qaýipsizdigin baqylaý departamentiniń baspasóz habarlamasynda.
Vedomstvo ókilderi qostanaılyqtardy tek qana resmı aqparatqa senýge shaqyrady. Sonymen qatar osy derek boıynsha QR Qylmystyq kodeksiniń 274-baby boıynsha qylmystyq is qozǵaldy.
