Koronavırýs: Kópqabatty úılerdegi eń qaýipti jerler aıtyldy
NUR-SULTAN. QazAqparat – Lıft pen úıdiń kireberisi koronavırýsty juqtyrý múmkindigi turǵysynan kópqabatty úılerdiń eń qaýipti jerleri. Bul týraly bıologııa ǵylymdarynyń doktory, Djordj Meıson ýnıversıtetiniń (AQSh) júıelik bıologııa mektebiniń professory Ancha Baranova aıtty, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK jumysy týraly shuǵyl resmı aqparat kanalyna silteme jasap.
«Koronavırýsty tasymaldaýshy sizden jarty saǵat buryn lıftke kirdi delik. Lıftpen kerek qabatyna bardy, sodan keıin lıft tur. Biraq aýanyń kólemi de turady, vırýs eshqaıda taralmaıdy. Jarty saǵattan keıin siz lıftke kirdińiz, al aýada esh jerge ketpegen vırýs bolýy ábden múmkin», - dedi Baranova.
