Koronavırýs: Kompıýterlik tomografııadan qaı kezde ótý kerek
«Koronavırýs ınfektsııasy birneshe kezeńde bolady. Birinshisi – ınkýbatsııalyq kezeń, onda vırýs adam aǵzasyna túskenimen, klınıkalyq sımptomdar kórinbeıdi. Ekinshisi – JRVI-ge uqsas kezeń, osy ýaqytta dene qyzýy kóterilip, tersheńdik pen uıqyshyldyq baıqalady. Úshinshisi – ókpeniń qabynýy, ıaǵnı osy kezeńde ókpe tinderine zaqym kelip, trombovaskýlıt bolady. Birinshi kezeńde ókpege zaqym kelmeıdi, sondyqtan alǵashqy úsh-bes kúnde kompıýterlik tomografııadan ótkenimen, ókpede eshteńe kórinbeýi múmkin», - dedi dáriger.
Onyń aıtýynsha, ókpedegi belgiler ınfektsııa juqqannan keıingi jetinshi-segizinshi kúnde baıqalady. Jetinshi kúnde kompıýterlik tomografııadan ókpeniń zaqymdanýyn tek 7-8 paıyz deńgeıinde kórýge bolady, al 14-shi kúnge qaraı ókpe 50 paıyzǵa deıin zaqymdanýy múmkin.
«Kompıýterlik tomografııany jótel men entigý paıda bolǵanda jasaý kerek. Ókpeniń zaqymdanýy kórsetkishi naýqas jaǵdaıynyń aýyrlyǵyn kórsetpeıdi, sebebi indetpen qatar trombovaskýlıt júredi. Bul turǵyda qan qoıýlanyp, trombtar paıda bolady. Osy kórsetkishterge adamnyń densaýlyq jaǵdaı tikeleı baılanysty. Keıbir naýqastarda ókpesi 60-70 paıyzǵa zaqymdanǵanymen, ottek satýratsııasy jaqsy deńgeıde kórinedi. Sonymen qatar ókpe tini 30 paıyzǵa zaqymdanǵan keıbir adamdarda óttek satýratsııasy 85-ke deıin tómendegen jaǵdaılar kezdesti. Óıtkeni tamyrlarda qannyń aınalymy baıaýlap, keri áseri bolady», - dedi Konstantın Garkalov.
Dáriger koronavırýstan emdelgennen keıin ókpeni qalpyna keltirýge qatysty keńes berdi.
«Statsıonardan shyqqannan keıin tynys alý gımnastıkasyn jasaý mańyzdy. Osy oraıda túrli jattyǵýlar bar, ony kúnine 3-4 ret jasaý kerek. Koronavırýstan emdelgennen keıin aǵzaǵa salqyn tıgizbeý qajet, sondaı-aq basqa ınfektsııalardy juqtyrýdan saqtaný kerek», - dedi K. Garkalov.