Koronavırýs: QHR-da ulttyq jańa jyly kezinde jolaýshylar aǵyny rekord deńgeıde tómendeýi múmkin

BEIJІŃ. QazAqparat – Qytaıdaǵy týroperatorlar Aı kúntizbesi boıynsha toılanatyn Jańa jyl merekesinde (Chýntsze, kóktem merekesi) eldegi azamattardyń jappaı sapary 2019 jylǵy deńgeıden 60% -ǵa tómendeıtinin boljap otyr, dep habarlaıdy «QazAqparat» HAA tilshisi.

Qytaıdaǵy ulttyq Jańa jyl bıyl 12 aqpanǵa tuspa-tus keledi, alaıda eldegi turǵyndardyń jappaı aýyly men týǵan úıine sapar shegý kezeńi – (chýnıýn dep ataıdy) 28 qańtarda bastaldy. Ol qyryq kúnge sozylady.

Eń iri týrıstik «Qunar» saıtynyń habarlaýynsha, mereke qarsańynda reıster men qonaqúılerdi brondaýdyń aıtarlyqtaı ósýi baıqalmady. «China Railway» temirjol operatory da temirjol sapary 407 mıllıonnan 296 mıllıonǵa deıin tómendeıtinin boljap otyr.

Qytaı kólik mınıstrliginiń habarlaýynsha, bıyl «chýnıýn» kezinde el boıynsha shamamen 1,15 mıllıard sapar kútilip otyr. Jergilikti BAQ jazǵandaı, bul – qytaı bıligi statıstıkalyq málimetterdi jarııalaı bastaǵan sońǵy 18 jyldaǵy eń tómengi kórsetkish. Osylaısha, 2021 jyly «chýnıýn» kezinde jolaýshylar aǵyny 2019 jylǵy deńgeıden 60%-ǵa tómendeıdi (sol jyly kóliktiń barlyq túrimen 3 mlrd sapar jasaldy).

Qytaıda Aı kúntizbesi boıynsha Jańa jyldy otbasymen birge atap ótý dástúrge aınalǵan, sondyqtan eldiń ár turǵyny osy ýaqytta týǵan jerine barýǵa tyrysady. Osyǵan baılanysty Qytaıdyń kóktem merekesi eldiń búkil kólik júıesi úshin eń aýyr kezeńniń biri sanalady. Alaıda bıylǵy jyly koronavırýs pandemııasyna baılanysty júris-turys aýqymy ádettegideı bolmaıdy.

Eldegi saparlar sanynyń tómendeýine birneshe sebep bar. Qytaı bıliginiń keı óńirde koronavırýstyń órshýine jol bermeý sharalaryn qabyldady. Sonyń ishinde mindetti túrde COVID-19 testisin tapsyrý, birqatar jaǵdaıda karantın jarııalaý, sonmen qatar úkimettiń asa bir qajettilik bolmasa saparǵa shyqpaý jáne Jańa jyldy turǵylyqty jerlerde atap ótýge shaqyrýyna baılanysty.

Avtor Rýslan Súleımenov