Koronavırýs kezinde Qudaıǵa senim kúsheıe tústi – Izraıl ravvıni
«Koronavırýs arqyly Qudaıǵa degen senim kúsheıe tústi, óıtkeni adamdar ózderine eshteńe táýeldi emestigin, kishkentaı vırýsty birde-bir sarapshy túsine almaıtynyn kórdi. Munyń bári Qudaıdyń qolynda. Bárimiz jaratýshyǵa jalbarynamyz, qasıetti duǵa bizdi indetterden, soǵystardan qorǵap, álemdi sanaly jáne jaqsyraq etýin tileımiz. Jaratýshynyń duǵalarymyzdy qabyl etýi úshin ne isteı alamyz? Aınalamyzǵa kómek kórsetip, jaman ádetterden bas tartý kerek», - dedi Itshak Iosıf álemdik jáne dástúrli dinder kóshbasshylarynyń VII sezinde.
Ravvınniń aıtýynsha, jaýap retinde munyń báriniń qaıtarymy bolady.
«Din kóshbasshylary shydamdylyq, jumsaqtyq, jaman ádetterden bas tartý, shydamdylyq, bir-birine qurmet kórsetýde is júzinde úlgi bolyp, adamdardy jaqsylyqqa úıretýi kerek», - dep tolyqtyrdy ravvın.
Aıta keteıik, búgin elordada Álemdik jáne dástúrli dinder lıderleriniń VII sezi ótip jatyr. Eki kúnge sozylatyn sezge 50 elden 100-den astam delegatsııa, onyń ishinde ıslam, hrıstıan, býddızm, ıýdaızm, ındýızm, daosızm, zoroastrızm, sıntoızm dinderiniń ókilderi, sondaı-aq saıası jáne qoǵam qaıratkerleri, halyqaralyq uıymdar músheleri kelgen.
Dinı forýmǵa Rım Papasy Frantsısk, Ál-Azhardyń Joǵarǵy ımamy Ahmed Mohammed Ahmed at-Taıeb, Ierýsalım Patrıarhy III Teofıl, Ashkenazdyń bas ravvıni Davıd Laý, Izraıldiń Bas sefard ravvıni Itshak Iosıftiń jáne basqa da dinı jetekshiler, sondaı-aq birqatar halyqaralyq uıym ókilderi qatysady.
Sonymen birge, Memleket basshysy Qasym-Jomart Toqaev Bas ashkenazı ravvıni Davıd Laý men Bas sefard ravvıni Itshak Iosıfti qabyldady. Memleket basshysy Izraıl Qazaqstannyń Taıaý Shyǵystaǵy mańyzdy seriktesi ekenin atap ótti, sondaı-aq saýda-ekonomıkalyq is-áreketter jandanyp, mádenı-rýhanı baılanystar dáıekti túrde nyǵaıyp kele jatqanyn aıtty. Davıd Laý men Itshak Iosıf Qazaqstannyń konfessııaaralyq dıalogty nyǵaıtýǵa beıildi ekenine, árdaıym dinı senim bostandyǵyn qoldaıtynyna nazar aýdaryp, bul salada ózge memleketterge úlgi bolatynyn jetkizdi.
1
