Koronavırýs: Qazaqstanǵa ushyp kelgen 288 jolaýshyda PTR-anyqtama bolmaǵan

NUR-SULTAN. QazAqparat - 29 qarasha kúni Qazaqstan Respýblıkasynyń aýmaǵyna Shveıtsarııa, Germanııa, Mysyr, Birikken Arab Ámirlikteri, Túrkııa, Reseı, Ýkraına, Qyrǵyzstan jáne Tájikstannan 20 halyqaralyq áýe reısi keldi, dep habarlaıdy QazAqparat.

«2 746 áýe jolaýshylarynyń ishinde PTR-testileýdiń teris nátıjesi bar anyqtamamen 2 458 adam, anyqtamasyz 288 adam – QR azamattary keldi.

Onyń ishinde:

- Almaty qalasynyń áýejaıyna - 9 reıs, 1 505 jolaýshy, anyqtamamen - 1 389, anyqtamasyz - 116.

- Nur-Sultan qalasynyń áýejaıyna - 10 reıs, 1 232 jolaýshy, anyqtamamen - 1 060, anyqtamasyz - 172;

- Aqtaý qalasynyń áýejaıyna - 1 reıs, barlyq 9 jolaýshy anyqtamamen keldi», - delingen QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń aqparatynda.

Anyqtamasyz kelgen Qazaqstan azamattary kelgen jeri boıynsha karantındik statsıonarlarǵa ornalastyryldy jáne PTR-taldaý ádisimen COVID-19-ǵa testilendi. Barlyq 288 adamnyń test synamasy teris nátıje kórsetken.