Koronavırýs: Qazaqstanǵa shekarany jabý kerek pe
«Dúnıejúzilik densaýlyq saqtaý uıymy ázirlegen «Halyqaralyq medıtsınalyq-sanıtarlyq erejeler» atty qujat bar. Qazaqstan bul qujatty 2005 jyly qabyldaǵan jáne sáıkesinshe osy qaǵıdalaǵa súıenedi. ıAǵnı, jahandyq qaýip-qater týǵanda Dúnıejúzilik densaýlyq saqtaý uıymy shekarany jabý týraly usynym beredi. Biz ázirge jaǵdaıdy baqylap otyrmyz. DDSU mundaı usynym bergen joq», - dedi mınıstr Úkimet úıinde ótken baspasóz máslıhatynda.
Sonymen birge, QR Syrtqy ister mınıstriniń birinshi orynbasary Shahrat Nuryshev eki el arasynda dıplomatııalyq turǵyda shekteýler engizilgenin jetkizdi.
Qytaıdaǵy Qazaqstan elshiligi, bas konsýldyǵy QHR azamattaryna vıza rásimdeý talaptaryn, ásirese densaýlyq jaǵdaıy týraly anyqtama talabyn kúsheıtti.
Úkimet qytaılyqtar úshin 72 saǵattyq vızasyz rejimdi ýaqytsha toqtatý týraly sheshim qabyldady. Odan bólek, qazirgi ýaqytta QHR azamattary úshin áýejaıda elektrondy vıza rásimdeý toqtatyldy.
«Shekarany japqan jaǵdaıda óz otandastarymyzdyń Qytaı aýmaǵynan shyǵýyn uıymdastyra almaımyz. Bizdegi málimetterge sáıkes, qazir Qytaı aýmaǵynda 1300 qazaqstandyq bar. Onyń 635-i Haınan provıntsııasynda júr, 204 - elshilik pen konsýldyqtyń, kompanııalardyń qyzmetkerleri, olardyń otbasy jáne 445 qazaqstandyq jalpy Qytaı aýmaǵynda júr. Shyn máninde, Qytaıdaǵy qazaqstandyqtar sany budan da kóp edi. Óıtkeni, kóptegen stýdentter Qytaıda bilim alatyn. Biraq, aýrýdyń shyǵý ýaqyty qystyq kanıkýldarmen tuspa-tus keldi. Sondyqtan, bizdiń stýdentterdiń kópshiligi Qazaqstanda nemese Qytaı aýmaǵynan tys jerlerde júr», - dedi Shahrat Nuryshev.
Buǵan deıin Shahrat Nuryshev Ýhan qalasyndaǵy 98 qazaqstandyq stýdenttiń jaı-kúıi týraly baıandaǵan bolatyn.