Koronavırýs: Qazaqstanǵa kelýshiler usynatyn anyqtama merzimi 3 kúnnen aspaýy tıis
NUR-SULTAN. QazAqparat – Qazaqstan aýmaǵyna kirgen azamattar usynýy tıis koronavırýsqa testileý anyqtamasynyń merzimi 3 kúnnen aspaýy qajet. Mundaı talap búgin Úkimet janyndaǵy vedomstvoaralyq komıssııanyń otyrysynda qabyldandy, dep habarlaıdy QazAqparat.
«Shetelden kelýshilerge, onyń ishinde QR azamattary úshin koronavırýsqa PTR-testileýden ótkeni týraly anyqtamanyń jaramdylyq merzimi 3 kúnge deıin belgilendi», - delingen aqparatta.
Sondaı-aq belgili bolǵandaı, búginnen bastap QR óńirlerindegi zerthanalarda PTR-testileý quny 9 myń teńgege deıin tómendetildi.
Eske salsaq, búgin Premer-Mınıstr Asqar Mamın elimizdegi sanıtarlyq-epıdemıologııalyq ahýalǵa qatysty birqatar tapsyrma berdi.
