Koronavırýs: Qazaqstanǵa arab vaktsınasy jetkiziledi

NUR-SULTAN. QazAqparat – Qazaqstanda KVI-ge qarsy úsh vaktsına qoljetimdi bolady. Bul týraly halyq aldynda esep berý kezdesýinde QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Qazirgi ýaqytta elimizde shekteý joq, vaktsınany Qazaqstannyń kez kelgen qalasynda ektirýge bolady. Osy oraıda jaqynda ornalasqan emhanaǵa nemese ekpe júrgizilip jatqan saýda ortalyǵyna barýǵa múmkindik jasaldy. Vaktsına aqysyz túrde júrgizilip jatyr», - dep toqtaldy mınıstr Ortalyq kommýnıkatsııalar qyzmetinde.

Osy oraıda ol elimizde «Spýtnık V» jáne otandyq QazVac vaktsınasyn egý júrgizilip jatqanyn eske saldy.

«Búgin qosymsha arab vaktsınasyn alamyz. ıAǵnı, bul ekpe «Sınofarm» kompanııasynyń qytaılyq tehnologııasymen óndirilgen. Qazirgi kezde osy vaktsınany kútip otyrmyz jáne ony óńirlerge taratamyz. Osy arqyly bizde halyq úshin úsh vaktsına qoljetimdi bolady», - dedi A. Tsoı.

Budan buryn habarlanǵandaı, aqtóbelik munaıshylar Saýd Arabııasynda óndirilgen qytaılyq «Sınofarm» vaktsınasyn qabyldaıdy.