Koronavırýs: Qazaqstandyq úsh azamat Reseıde eki apta karantınde bolady

NUR-SULTAN. QazAqparat - Búgin QR Densaýlyq saqtaý mınıstri Eljan Birtanov pen Reseı Federatsııasynyń Densaýlyq saqtaý mınıstri Mıhaıl Mýrashko telefon arqyly sóılesti, dep habarlaıdy QazAqparat mınıstrliktiń baspasóz qyzmetine silteme jasap.

Áńgime barysynda Eljan Birtanov Mıhaıl Mýrashkony taǵaıyndalýymen quttyqtady jáne koronavırýstyq ınfektsııaǵa qarsy kúreste kórsetken kómegi úshin jáne bizdiń azamattardy Ýhan qalasynan evakýatsııalaǵany úshin alǵys bildirdi.

Taraptar QR Densaýlyq saqtaý mınıstrliginiń jedel ortalyǵy arqyly turaqty baılanys ornatýǵa jáne aqparat almasýǵa kelisti.

Atap aıtqanda, QR Densaýlyq saqtaý mınıstrligi Reseıdiń Túmen qalasyndaǵy Ýhannan evakýatsııalanǵan úsh qazaqstandyq azamattyń jaǵdaıyna birlesip monıtorıng júrgizedi. Jerlesterimiz eki aptalyq karantınde otyr.

Aıta ketý kerek, bul jaǵdaı Densaýlyq saqtaý mınıstrliginiń turaqty baqylaýynda.