Koronavırýs: Qazaqstandyq ǵalym vaktsına jasap shyǵarý ýaqytyn aıtty

NUR-SULTAN. QazAqparat - Ulttyq bıotehnologııa ortalyǵy genetıkalyq ınjenerııa zerthanasynyń meńgerýshisi, bıologııa ǵylymdarynyń kandıdaty Aleksandr Shýstov koronavırýsqa qarsy vaktsına qashan jasalatynyn aıtty, dep habarlaıdy QazAqparat tilshisi.

«Biz shartty túrde baǵdarlamany úsh jylǵa bóldik. Birinshi jyly barlyq gendik ınjenerlik jumystardy aıaqtap, bıotehnologııa ónimi retinde vaýtsııana jasaý kerek. ıAǵnı, tiri vektorly vırýsty alyp tiri vektorly vaktsına retinde qoldanyp, sýbbiriktirilgen vaktsına retinde qoldanýǵa bolatyn rekombınattalǵan S aqýyzyn alýymyz kerek. Bul jumys 2020 jyldyń sońyna deıin aıaqtalýy kerek», - deıdi Aleksandr Shýstov.

Ol kelesi eki jylda qandaı jumystar isteletinin aıtty.

«Kelesi jyly vaktsınanyń qorǵanys kúshin tekserý kerek. Úshinshi jyly onyń qaýipsizdigine qatysty synaqtar jasalady. Bul protsesti jyldamdatýǵa kelmeıdi. Bul saladan habary joq adam úshin úsh jyl tym uzaq ýaqyt bolyp kórinýi múmkin. Adamdarǵa arnalǵan bıopreparatty jasaýmen aınalysyp kórmegender úshin bul birtúrli bolyp kórinýi de múmkin, sebebi epıdemııa kóz aldymyzda bolyp jatyr. Biz mundaı vaktsına jasaý barysynda keıbir kezeńnen attap óte almaıtynymyzdy aıtqym keledi», - deıdi ǵalym.

Buǵan deıin Aleksandr Shýstov Qazaqstanda koronavırýsqa qarsy vaktsına jasaý qalaı júrip jatqany týraly aıtqan bolatyn. https://kaz.inform.kz/news/kazakstanda-koronaviruska-karsy-vakcina-zhasau-kalay-zhurip-zhatyr_a3639374