Koronavırýs: Qazaqstanda vaktsına ala alatyn 12-18 jastaǵy 1,7 mln bala bar

NUR-SULTAN. QazAqparat – QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova nelikten Pfizer-diń 4 mln dozasy satyp alynatynyn túsindirdi, dep habarlaıdy QazAqparat tilshisi.

«Pfizer eń aldymen, balalar men júkti áıelderge arnalǵanyn buǵan deıin de aıtqan edik. Óıtkeni, ol bul sanatqa kiretin adamdardy qorǵaıtyn jalǵyz vaktsına bolyp tur. ıAǵnı, bul óte áljýaz top sanalady. Munyń ústine koronavırýs júkti áıelderde qanshalyqty aýyr ótetindigin de bilemiz. Ony dáleldeıtin málimetter de qolymyzda bar. Qazir balalar oflaın oqýǵa kóshti. Demek, koronavırýs ınfektsııasyn juqtyrý qaýpi aıtarlyqtaı artyp otyr. Sondyqtan eń birinshi kezekte balalar men júkti áıelder ekpe alady», - dedi ol.

Osy rette komıtet tóraǵasy nelikten Pfizer-diń 2 mln adamǵa jetetin 4 mln dozasyn satyp alý kelisimi jasalǵanyn túsindirip ótti.

«Statıstıkalyq málimetterge sáıkes, búginde kelisimi bolǵan kezde vaktsına ala alatyn 12 men 18 jastaǵy 1 mln 700 myń bala bar. Al elimizde jyl saıyn 400 myńnan astam áıel bosanady. Osy sandardy qosqan kezde atalǵan sanatqa kiretin halyqty vaktsınalaýǵa qajetti Pfizer dozasy shyǵady», - komıtet tóraǵasy.