Koronavırýs: Qazaqstanda taǵy bir jarys ótpeıtin boldy
NUR-SULTAN. QazAqparat – Qazaqstanda ótýi tıis taǵy bir jarys keıinge shegerildi, dep habarlaıdy QazAqparat.
QR Ulttyq olımpıadalyq komıtetiniń habarlaýynsha, Shymkentte ústel tennısinen 21 jasqa deıingi sportshylar arasyndaǵy úshinshi halyqaralyq týrnır ótýi tıis bolatyn.
Ókinishke qaraı, 6 naýryz kúni bastalýy tıis báseke koronavırýs qaýpine baılanysty keıinge shegerildi.
Aldaǵy jospar boıynsha halyqaralyq synǵa Ázerbaıjan, Qyrǵyzstan, Ózbekstan, Tájikstan, Qazaqstan komandalary men Reseıdiń Ekaterınbýrg qalasynyń klýby qatysýy kerek edi.
Esterińizge sala keteıik, osyǵan deıin aqpan aıynda Nur-Sultanda uıymdastyrylýy tıis sý dobynan Azııa aımaqtyq irikteý týrnıri men aýyr atletıkadan Azııa chempıonaty da ótpeıtini týraly jazǵan bolatynbyz.
Sońǵy málimetterge súıensek, koronvırýs juqtyrǵan adamdar sany 100 myńǵa jýyqtaǵan. Bul aýrý keńinen taralǵan elderdiń alǵashqy bestigine Qytaı (80 151), Ońtústik Koreıa (5186), Iran (2336), Italııa (2036) jáne Japonııa (2830) engen.
