Koronavırýs: Qazaqstanda karantınge jatqyzylǵandar sany 170 adamǵa kóbeıdi

NUR-SULTAN. QazAqparat -Qazaqstanda bir táýlik ishinde koronavırýsqa baılanysty statsıonarlyq karantınge jatqyzylǵandar sany 170 adamǵa kóbeıdi. Mundaı derek QR Densaýlyq saqtaý mınıstrliginiń resmı saıtynan málim boldy, dep habarlaıdy QazAqparat tilshisi.

«Búginde elimizde koronavırýs juqtyrǵan 6 naýqas, onyń ishinde Almaty qalasynda – 4, Nur-Sultan qalasynda 2 adam tirkelgen. Statsıonarlyq karantınde - 1 260, úı karantıninde 453 adam jatyr. Sonymen qatar QHR-dan jáne shekaralas memleketterden kelgen azamattarǵa monıtorıng jalǵasýda», - dep atap ótedi mınıstrlikten.

Vedomstvonyń málimetinshe, barlyq sanattar boıynsha monıtorıngke 2 myń 272 adam alyndy. Onyń ishinde 1 «A» sanaty boıynsha – 1 438, 1 «B» sanaty boıynsha – 475, 2-sanaty boıynsha 359 adam bar. Monıtorıngke alynǵan 2 272 adamnyń 380-ine baqylaý toqtatyldy. 1 892 adamǵa monıtorıng júrgizilýde.

«Qazirgi ýaqytta dene qyzýymen jáne JRVI belgilerimen 116 adam aýrýhanaǵa jatqyzyldy. Onyń ishinde 1 «b» sanaty boıynsha – 31 adam, 2-sanat boıynsha – 42 adam 3-sanat boıynsha - 43 adam. Aýrýhanaǵa jatqyzylǵandar sany 116, 62 azamat shyǵaryldy. 54 adam statsıonarda qalady. Bas memlekettik sanıtarlyq dárigerdiń qaýlysymen atalǵan patsıentter algorıtmge sáıkes ınfektsııalyq statsıonarǵa jatqyzyldy. Epıdemııaǵa qarsy qajetti sharalar, onyń ishinde oqshaýlaý, emdeý jáne zararsyzdandyrý jumystary júrgizilýde. Jaǵdaı QR Densaýlyq saqtaý mınıstrliginiń turaqty baqylaýynda«,- delingen taratylǵan aqparatta.

Aıta keteıik, búgin tańerteń elimizdiń Densaýlyq saqtaý mınıstrligi 1 090 adamnyń statsıonarlyq karantınde jatqanyn habarlaǵan edi.