Koronavırýs: Qazaqstanda epıdemıologııalyq jaǵdaı kúrt nasharlady
Búginde Qazaqstan Respýblıkasy epıdemıologııalyq ahýaldy baǵalaý matrıtsasy boıynsha sary aımaqqa kóshti. Qyzyl aımaqta áli de Nur-Sultan qalasy, sary aımaqta Almaty qalasy jáne Shymkent qalasy bar. Qalǵan óńirler ázirge jasyl aımaqta. Biraq sońǵy aptada koronavırýstyq ınfektsııamen syrqattanýshylyqtyń ósýi eldiń 11 óńirinde baıqalyp otyrǵanyn atap ótkim keledi. El boıynsha aýrý 1,4 ese ósti. Reprodýktıvti san búkil el boıynsha 1,3-ke deıin ósti. Táýligine koronavırýstyq ınfektsııanyń 1510 jaǵdaıy tirkeldi. Bul jaǵdaılardyń 75% - y 3 óńirge tıesili ekenin atap ótkim keledi. Nur-Sultan q. - 798, Almaty q. - 196, Shymkent q.- 118 jaǵdaı tirkelgen. Epıdemıologııalyq jaǵdaıdyń nasharlaýy Qazaqstan Respýblıkasynyń aýmaǵynda «omıkron» shtammynyń anyqtalǵan tsırkýlıatsııasyna baılanysty. Mereke kúnderi ishki emıgratsııa baıqaldy. Sondaı-aq negizgi aldyn alý sharalaryn saqtaý ǵana jetkiliksiz. Sondyqtan, burynǵysynsha, qazaqstandyqtardy aldyn alý sharalaryn saqtaýǵa, buqaralyq is-sharalarǵa qatyspaýǵa, áleýmettik qashyqtyqty saqtaýǵa, maska rejımin saqtaýǵa, jabyq úı-jaılardy únemi jeldetýge shaqyramyz. Árıne, búgingi kúni naqty aldyn-alý sharalardyń biri, ol - vaktsınatsııa jáne revaktsınatsııa. Búgingi tańda adam juqtyrǵan shtamm nusqasyn anyqtaýdyń qajeti joq ekenin atap ótkim keledi. Sebebi aldyn-alý sharalary, emdeý ózgerissiz qalady. Shtammnyń osy nemese basqa nusqasynyń qanshalyqty keń taralǵanyn anyqtaý úshin biz semınatsııa jasaımyz. Búgingi tańda sońǵy semınatsııalaý boıynsha «Omıkron» Almaty qalasynda, Nur-sultan qalasynda anyqtaldy. Áli kúnge deıin «delta» koronavırýs ınfektsııanyń shtammy 70%-dyq taralýmen aımaqtarda basym.
