Koronavırýs: Qazaqstanda balalardyń 28 paıyzy ǵana balabaqshaǵa baryp júr
NUR-SULTAN. QazAqparat – Qazaqstan boıynsha balalardyń 28 paıyzy ǵana balabaqshaǵa baryp júr. Bul týraly Úkimettiń baspasóz ortalyǵynda ótken onlaın rejimdegi brıfıng barysynda Premer-mınıstrdiń orynbasary Eraly Toǵjanov málim etti, dep habarlaıdy QazAqparat tilshisi.
Úkimet basshysynyń orynbasary 16 naýryzdan bastap 6 sáýirge deıin mektep oqýshylary kanıkýlǵa jiberilgenin, al kolledjder men joǵary oqý oryndarynyń bári qashyqtan oqytý tártibine aýystyrylǵanyn málim etti.
«Nur-Sultan men Almaty qalalarynyń mektepke deıingi uıymdarynyń bári karantın ýaqytyna jabyldy. Qalǵany shtattyq rejimde jumys istep jatyr. Qazirgi tańda el boıynsha balalardyń 28 paıyzy ǵana balabaqshaǵa baryp júr», - dedi Úkimet basshysynyń orynbasary.
Aıta ketsek búgingi baspasóz máslıhatynda Eraly Toǵjanov koronavırýs ınfektsııasynan Qazaqstanda adamdardyń kóz jumǵany týraly aqparatty joqqa shyǵarǵan bolatyn.
