Koronavırýs: Qazaqstan Ýhannan 18 qyrǵyzstandyq stýdentti evakýatsııalady
BІShKEK. KABAR – QazAqparat - Qyrǵyzstanǵa Kytaıdyń Ýhan qalasynan 18 stýdent jetkizildi. Bul týraly Qyrǵyzstannyń Densaýlyq saqtaý mınıstrligi habarlady.
Mınıstrlik taratqan málimetter boıynsha, búgin 2 aqpan kúni arnaıy bortpen Nur-Sultan qalasy arqyly 18 qyrǵyz stýdenti Bishkekke jetkizildi.
«Olar áýejaıda tıisti tekserýden ótkizilip, Bishkek qalasynyń mańyndaǵy aýrýhanaǵa jatqyzyldy»,-dep habarlady mınıstrlik ókilderi.
Karantın kezinde Ýhannan jetkizilgen azamattarmen ázirge medıtsına mamandary ǵana baılanysta.
«Qosymsha málimetter úshin Qyrǵyzstanyń Densaýlyq saqtaý mınıstrliginiń shuǵyl shtabynan bilýge bolady. 01312 66-06-63»,-delingen habarlamada.
