Koronavırýs: Qazaqstan «sary» aımaqta tur
NUR-SULTAN. QazAqparat – Pandemııa bastalǵannan beri Qazaqstanda KVI-testiń oń nátıjesimen 225 685 adam jáne teris nátıjemen 49 817 adam aýyrdy. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Pandemııa bastalǵannan beri Qazaqstanda COVID-19 oń nátıjesimen 225 685 adam jáne KVI-diń teris nátıjesimen 49 817 adam aýyrdy. Naýqastardyń 92% saýyǵyp ketti, onyń ishinde KVI-diń oń nátıjesimen – 207 371 adam jáne KVI-diń teris nátıjesimen – 45235 adam. Sonyń ishinde sońǵy táýlikte KVI-diń oń nátıjesiniń 954 jáne teris nátıjesiniń 7 jaǵdaıy tirkeldi. Onyń 10-y ólim jaǵdaıymen aıaqtaldy», - deıdi QR Densaýlyq saqtaý mınıstri Alekseı Tsoı.
Onyń aıtýynsha, Qazaqstan Respýblıkasy epıdemıologııalyq jaǵdaı boıynsha «sary» aımaqta tur.
«Qyzyl» aımaqqa Nur-Sultan jáne Almaty qalalary men Batys Qazaqstan oblysy enip otyr. «Sary» aımaqqa Aqmola, Atyraý, Almaty jáne Qaraǵandy oblystary kirgen. Al qalǵan 10 aımaq «jasyl» aımaqta ornalasqan», - deıdi ol.
