Koronavırýs: Qazaqstan Ońtústik Koreıa men Iranǵa áýe reısterin azaıtady
Bul týraly QR Bas memlekettik sanıtar dárigeri Jandarbek Bekshın aıtyp berdi.
«Ońtústik Koreıa qaýpi jaǵynan 1 sanatqa engizildi. 1 naýryzdan bastap 9 reısten 3 reıske deıin azaıady. QR Investıtsııa jáne ınfraqurylymdyq damý jáne Syrtqy ister mınıstrlikterimen birlesip, ózge memleketterdi de qarastyryp jatyrmyz. Máselen, Japonııaǵa aptasyna eki ret reıs ushady. Jolaýshylar aǵyny az bolǵandyqtan, ázirge esh qıyndyq joq», - dedi Jandarbek Bekshın Ortalyq kommýnıkatsııalar qyzmetinde ótken baspasóz máslıhatynda.
Sonymen birge, Iran men Qazaqstan arasyndaǵy áýe qatynasyna shekteý qoıylady.
«Túrkııa, Pákistan, Oman, Aýǵanstan syndy elder Iranmen áýe qatynasyn ýaqytsha shektegen edi. Ózge memleketter boıynsha shekteý qoıý máselesin qarastyryp jatrymyz», - dedi bas sanıtarlyq dáriger.
Aıta keteıik, Ońtústik Koreıada 1 146 adam koronavırýs juqtyryp, 11 adam kóz jumdy. Iranda koronavırýsqa qatysty 42 oqıǵa tirkelip, onyń 12-si ólimmen aıaqtaldy.