Koronavırýs: Qazaqstan óńirlerine qonǵan ushaq jolaýshylary tekserilýi qajet pe

NUR-SULTAN. QazAqparat - QR Densaýlyq saqtaý mınıstrliginiń resmı ókili Dıas Ahmetshárip Qazaqstan qalalaryna ushatyn áýe reısteri jolaýshylaryn tekserý qajet pe degen suraqqa jaýap berdi, dep habarlaıdy QazAqparat.

«Algorıtm jalǵyz jáne ol Qazaqstannyń barlyq qalalaryna birdeı qoldanylady», - dep jaýap berdi resmı ókil tilshi saýalyna.

Buǵan deıin elordada Nursultan Nazarbaev atyndaǵy áýejaıǵa kelgen 600-ge jýyq jolaýshynyń oqshaýlanyp, tekserilip jatqany habarlandy.

Taldaý nátıjesi boıynsha olardy úı karantınine jiberý nemese ınfektsııa anyqtalǵan jaǵdaıda ınfektsııalyq statsıonarǵa jatqyzý týraly sheshim qabyldanady.

Qazaqstan Respýblıkasy aýmaǵynda koronavırýs ınfektsııasyn juqtyrǵan jalpy 56 naýqas tirkeldi. Nursultan qalasynda 31 adamda koronovırýs ınfektsııasy anyqtaldy. Almaty qalasynda - 22 adam, Qaraǵandy qalasynda - 2, Almaty oblysynda 1 adam.