Koronavırýs: Qazaqstan nelikten Reseı vaktsınasyna basymdyq berip otyr

NUR-SULTAN. QazAqparat – Koronavırýsqa qarsy reseılik vaktsınaǵa qatysty kúdik-kúmánderin buǵan deıin brıtandyq jáne ıtalııalyq ǵalymdar bildirgen bolatyn. Osyǵan qaramastan, Qazaqstan nelikten osy elde jasalǵan vaktsınany tańdap otyr? Bul suraqqa búgin Ortalyq kommýnıkatsııalar qyzmetindegi baspasóz máslıhatynda QR Densaýlyq saqtaý birinshi vıtse-mınıstri Marat Shoranov jaýap berdi, dep habarlaıdy QazAqparat tilshisi.

«Rasymen de, «SQ-Farmatsııa» kompanııasymen jáne Reseı Federatsııasynyń Tikeleı ınvestıtsııalar qory arasynda memorandým jasaldy. Ol memorandýmda klınıkalyq zertteýlerdiń barlyq satysynan ótken jaǵdaıda reseılik «Spýtnık-V» vaktsınasyn basym túrde jetkizý týraly aıtylǵan. ıAǵnı memorandým – naqty kelisimshart emes. Ol klınıkalyq zertteýlerdiń barlyq satysynan ótken jaǵdaıda ǵana, vaktsınalardy taldaý kezinde «Spýtnık-V» vaktsınasyna basymdyq bere otyryp, qarastyrýǵa kepildik beredi», - dedi Marat Shoranov.

Onyń aıtýynsha, qazirgi ýaqytta qazaqstandyq vaktsınany synaqtan ótkizýdiń birinshi jáne ekinshi klınıkalyq satylary sońyna taıap keledi.

«Bilim jáne ǵylym mınıstrligimen aýqymdy jumys júrgizilýde. Álem elderine qaraǵanymyzben vaktsınany naqty qashan, qalaı jetkize alatyn memleketterdiń bary týraly aıqyn málimet joq. Kóbi halyqtyń 20 paıyzyn vaktsınamen qamtý múmkindikteri baryn alǵa tartyp, sonymen qatar vaktsınanyń tıimdiligi rastalmastan aldyn ala aqy suraıdy. Osyǵan baılanysty, atalmysh máseleni keńinen zertteýdemiz», - dedi ol.

Densaýlyq saqtaý mınıstrligi álemdegi búkil klınıkalyq zertteýlerdi zerdelep, baǵyp otyratyn arnaıy jumys tobyn qurǵan.

«Álemdegi vaktsınalar boıynsha barlyq nusqa zerttelýde. Alaıda, aldyn ala berilgen aqparatqa sáıkes, negizgi úmitker retindegi vaktsınalardy zertteýdiń úshinshi satysy alǵashqy toqsanda (2021 jyldyń) aıaqtalady», - dediol.