Koronavırýs: Qazaqstan qandaı elderdiń vaktsınalaryn satyp almaq

NUR-SULTAN. QazAqparat - QR Densaýlyq mınıstri Alekseı Tsoı «Habar» arnasynyń tilshisine Qazaqstan ózge memleketterden vaktsına satyp alatyn-almaıtyny týraly aıtty, dep habarlaıdy QazAqparat tilshisi.

Mınıstrdiń aıtýynsha, ártúrli dıstrıbıýtorlarmen, kompanııalarmen kelissózder júrgizilip jatyr.

«Aldyn ala kelisimshart jasasyp jatyrmyz. Qupııalylyq sharttaryna baılanysty mazmunyn jarııalaı almaımyz. Biraq qazir bul vaktsınalardy Qazaqstanǵa jyldam jetkizý boıynsha kelisim júrgizilip jatyr. Sinovac qana emes, Pfizer, Moderna sııaqty vaktsınalarǵa da qatysty kelisim júrgizilýde. ıAǵnı barlyq kompanııamen kelisimge kelý kezeńindemiz. Olarǵa ótinim jazyp qoıdyq. Jaqyn arada onyń baǵasy men jetkizý ýaqytyna qatysty jaýap kútip otyrmyz», - dedi QR Densaýlyq mınıstri Alekseı Tsoı.

Aıta keteıik, Sinovac vaktsınasy – Qytaıda óndirilgen. Pfizer vaktsınasy – amerıkalyq Pfizer kompanııasy men BioNTech nemis kompanııasynyń birlesken preparaty. Moderna vaktsınasy – amerıkalyq Moderna kompanııasynyń ónimi.

Qazirgi ýaqytta Qazaqstanda reseılik «Spýtnık V « vaktsınasy ǵana qoldanylyp otyr. Otandyq KazCOVID-in vaktsınasy synaqtyń sońǵy kezeńderinen ótýde.