Koronavırýs: Qazaqstan bilikti epıdemıologtardy Qytaıǵa jiberýge daıyn
«Biz QHR-men birige jumys isteýge daıynbyz. QHR Densaýlyq saqtaý mınıstrliginen aqparat alý týraly máseleni talqyladyq. Qajet bolǵan jaǵdaıda ol jaqqa tájirıbeli epıdemıologtarymyzdy jiberip, QHR-da epıdemııaǵa qarsy sharalardy uıymdastyrý boıynsha tájirıbe almasýǵa ázirmiz», - deıdi t aýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Jandarbek Bekshın.
Sondaı-aq, ol Qazaqstandaǵy medıtsınalyq mekemelerdi tolyq medıtsınalyq kómek kórsetý úshin tıisti dári-dármekpen jabdyqtaý algorıtmi jasalǵanyn aıtty.
«Bizdiń ınfektsııalyq statsıonarlarda 6 myń oryn bar. Eger naýqastarmen baılanys jasaǵan adamdardy jatqyzý kerek bolsa, qosymsha 4780 oryn qosamyz. Bastapqy alty aıda kerek bolatyn dári-dármektiń, medıtsınalyq buıymdardyń jáne dıagnostıkalyq preparattardyń esebi jasaldy. QR Densaýlyq saqtaý mınıstrliginde kún saıyn Qazaqstandaǵy epıdemıologııalyq ahýal jónindegi shtab jumys isteıdi», - deıdi Bekshın.
Eske sala ketsek, buǵan deıin Ýhan qalasyndaǵy qazaqstandyq stýdentterdi evakýatsııalaý máselesi qarastyrylyp jatqanyn jazǵan bolatynbyz.