Koronavırýs qaıta órship ketken elder karantın engizýde –Úkimet otyrysy

NUR-SULTAN. QazAqparat – Densaýlyq saqtaý mınıstri Alekseı Tsoı koronavırýs qaıtadan órship bara jatqan memleketterdi atady, dep habarlaıdy QazAqparat tilshisi.

«Qazirgi ýaqytta koronavırýs ınfektsııasyn juqtyrý jáne odan kelgen ólim boıynsha álemdik jaǵdaı kúrdeli kúıde qalyp otyr. Eýropa men Azııanyń birqatar memleketinde aýrýdy juqtyrý jaǵdaıy artyp barady. Máselen ótken aptada koronavırýsty juqtyrý jaǵdaıy Italııada, Germanııa, Belarýs, Túrkııa jáne Eýropanyń taǵy basqa elderinde baıqaldy. Reseıde indetti juqtyrý kórsetkishi 0,6-0,7 paıyzǵa ósti. Bul – Qazaqstandaǵy kórsetkishten qaraǵanda 10 ese kóp», - dedi Alekseı Tsoı Úkimet otyrysynda.

Onyń aıtýynsha koronavırýs qaıta órship ketken elderde karantın qaıtadan engizilip jatyr.

«Koronavırýstyń aldyn alýdyń birden-bir tıimdi joly – karantın ekenin osy jaǵdaı kórsetip otyr», - dedi ol.