Koronavırýs qaýpine baılanysty sábılerge ekpe jasaý tártibi ózgere me
NUR-SULTAN. QazAqparat – Elordada 11 mamyrdan bastap sábılerge ekpe jasaý jumysy jandanady, dep habarlaıdy QazAqparat tilshisi.
«Bizdiń memlekettik bas sanıtarlyq dárigerdiń qaýlysyna sáıkes 2 sáýirden bastap balalarǵa ekpe jasatý jumysy toqtatylǵan. Biraq ekpe tek zerthanada jasalady. 11 mamyrdan bastap ekpe jasaý qaıta jandanady. Alaıda balalardy úıine baryp ekpe jasaımyz dep aıta almaımyz da, istemeımiz de. Sebebi ekpeden keıin neshe túrli asqyný bolýy múmkin», - dedi Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova Densaýlyq saqtaý mınıstrliginiń Facebook-tegi paraqshasynda bergen suhbatynda.
Aıta ketsek buǵan deıin basqarma basshysy mamyr aıynda elordada koronavırýs ınfektsııasy báseńdeýi múmkin ekenin aıtqan bolatyn.
