Koronavırýs qaýpi: Frantsııa men Italııa baǵany retteýge nıetti
BRıÝSSELЬ. QazAqparat – Frantsııanyń qarjy mınıstri Brýno Le Mer koronavırýske baılanysty sý-spırttik gelder nemese medıtsınalyq maskalar baǵalarynyń jasandy kóterilýin tergeýdi bastaýdy tapsyrdy, dep habarlaıdy QazAqparat menshikti tilshisi.
«Meni onlaın satylymdardyń keıbir dúkenderinde qoldy tazartqysh quralynyń baǵasy eki-úsh esege óskeni týraly habardar etti. Koronavırýsqa baılanysty alypsatarlyqqa jol berilmeıdi», - dep jazdy Le Mer Twitter-de.
«Sondyqtan men Básekelestik, tutyný jáne alaıaqtyqpen kúres máseleleri jónindegi bas dırektsııadan sý-spırttik gelder men maskalardyń baǵasyna qatysty tergeýdi bastaýyn suradym», - dedi ol.
Frantsýz mınıstri «eger mundaı alypsatarlyq kóp oryn alsa, atalǵan gelder men maskalardyń baǵasyn retteý týraly daıyn qaýlynyń jobasy bar» ekenin atap ótti.
Sondaı-aq Italııa úkimeti de keıbir medıtsınalyq taýarlar baǵasynyń kóterilýine qarsy shara qoldanýǵa nıetti ekenin málimdedi.
Sonymen qatar, Italııanyń Monopolııaǵa qarsy basqarmasy elektrondy kommertsııalyq platformalardan dezınfektsııalyq quraldar men medıtsınalyq maskalardy qymbat baǵamen Internet arqyly satýdy toqtatý úshin sharalar qoldanýdy talap etti.
