Koronavırýs qaterli isikke shaldyqqan adamdarǵa qalaı áser etedi
«Onkologııalyq aýrýǵa shaldyqqan naýqastardyń ımmýnıteti óte tómen bolady. Bireý hımıoterapııa, taǵy biri hırýrgııalyq em aldy. Sondyqtan olar ımmýnıtettiń tómendeýinen koronavırýsty tez juqtyrýy múmkin. Biz patsıentterimizden, eń aldymen, ózderine uqypty qaraýdy suraımyz. Ásirese, aýrýhanaǵa kelgen týystary juqtyrýy múmkin. Infektsııany juqtyrmas úshin maska rejımin, qol gıgıenasyn saqtaý qajet. Eger naýqasqa COVID-19 indeti qosylsa, onda biz koronavırýsty emdemeıinshe, isikke qarsy emdeýdi barlyq standarttar boıynsha júrgize almaımyz», - deıdi ol.
Dáriger naýqastardy barlyq sanıtarlyq normany qatań saqtaýǵa shaqyrdy. Áleýmettik araqashyqtyqty, qol gıgıenasyn saqtaýǵa jáne maska taǵyp júrýge keńes berdi.
«Qaýipti vırýsty juqtyrǵan naýqastarǵa hımıoterapııa, sáýlelik terapııa taǵaıyndaý múmkin emes, óıtkeni bul patsıenttiń jaǵdaıyn odan saıyn nasharlatyp jiberedi. Sondyqtan saq júrý kerek»,–dedi spıker.
Dılıara Qaıdarovanyń aıtýynsha, kez kelgen onkologııalyq aýrý bastapqy kezde anyqtalsa, onyń tolyq jazylyp ketetinin tilge tıek etti. Eń bastysy, adamdar jyl saıyn profılaktıkalyq tekserýden ótýi kerek.
«Buryndary qaterli isikke shaldyqqan adamdar aýrýyn jasyryp, ol týraly aıtýǵa qorqatyn. Qazir bári ózgerdi. Qaterli isik sonshalyqty qorqynyshty emes. Biz barlyǵyn osy sózden qoryqpaýǵa, senimdi túrde emdelýge shaqyramyz. Der kezinde bastaǵan em-dom óz nátıjıesin beredi», - dep qosty eldiń bas onkology.
Qazaqstanda búginde 187 myń adam onkologııalyq esepte tur.
Buǵan deıin «Pedıatrııa jáne balalar hırýrgııasy ǵylymı ortalyǵy» AQ basqarma tóraǵasy Rıza Boranbaeva balalar arasyndaǵy COVID–19 indetimen astasqan mýltıjúıelik qabyný sındromy týraly aıtqan bolatyn.
