Koronavırýs: Karantınde qansha adam qalyp otyr

NUR-SULTAN. QazAqparat - QR Densaýlyq saqtaý mınıstrligi bıylǵy 7 qańtardaǵy jaǵdaı boıynsha Qytaıdan kelgen qazaqstandyq jáne sheteldik azamattardyń jaı-kúıi týraly aıtty, dep habarlaıdy QazAqparat tilshisi.

«Búginge deıin jalpy 123 adam aýrýhanaǵa jatqyzyldy. 92 adam úılerine qaıtaryldy, 31-i aýrýhanada jatyr. Naýqastardyń jaǵdaıy jaqsy. Ýhan qalasynan evakýatsııalanǵan bizdiń azamattar týraly aıtar bolsaq, Qazaqstan Respýblıkasyna jetkizilgen 83 azamattyń 13-inde qazirgi tańda dene qyzýy joq. JRVI belgisimen emdelýin jalǵastyrýda», - dedi búgin ótken brıfıngte QR Densaýlyq saqtaý mınıstrliginiń resmı ókili Dıas Ahmetshárip.

Onyń aıtýynsha, Ýhannan evakýatsııalanǵan Belarýs Respýblıkasynyń – 5, Armenııanyń 1 turǵynynyń jaǵdaıy jaqsy.

«Olardyń dene temperatýrasy qalypty, densaýlyqtaryna shaǵymdary joq. Sondaı-aq, Qazaqstan Respýblıkasynyń Ýhannan Túmenge evakýatsııalanǵan - 3 jáne Tashkentke evakýatsııalanǵan 5 azamatynyń jaǵdaıy jaqsy. Olardyń dene qyzýy kóterilmegen, JRVI belgileri baıqalmaǵan. Densaýlyqtaryna shaǵymdary joq», - deıdi ol.

Atap ótilgendeı, barlyq azamat Densaýlyq saqtaý mınıstrliginiń turaqty baqylaýynda. Karantın 16 aqpanǵa deıin sozylady.