Koronavırýs: Qaraǵandy oblysynda halyqty vaktsınalaý júrgizilýde
QARAǴANDY. QazAqparat – 5 naýryzdan bastap Qaraǵandy oblysynda halyqty koronavırýstyq ınfektsııadan erikti túrde vaktsınalaý bastaldy. Nıet bildirýshiler «Spýtnık-V» vaktsınasyn tegin ala alady. Tek tirkelý qajet, dep habarlaıdy QazAqparat tilshisi.
Loboda kóshesindegi otbasylyq densaýlyq ortalyǵynda kúnine 100 erikti vaktsınatsııalanady. Olardyń arasynda dárigerler, pedagogtar jáne Qaraǵandynyń qarapaıym turǵyndary bar. Vaktsınany kem degende 18 jastaǵy adamdar ala alady.
«Biz kún saıyn dárigerler men pedagogtar sanatyna jatpaıtyn 15 eriktini vaktsınatsııalaımyz. Qazirgi ýaqytta bizde 72 adam ekpe aldy. Vaktsınatsııaǵa bizge tirkelgen azamattar, sondaı-aq «Gıppokrat» klınıkasynyń fılıaly men medıtsına ýnıversıtetiniń stýdentteri jazyla alady. Adamdar belsendi jazylyp jatyr. Vaktsına jetkilikti.
Dárigerler «Spýtnık V» bir bótelkesi bes adamǵa arnalǵan ekenin eske salady. Naýqas óz kezegin uzaq kútpeýi úshin jazba bes adamdy biriktirýge múmkindik beredi», - deıdi Qalalyq alǵashqy medıtsınalyq-sanıtarlyq kómek ortalyǵynyń dırektory Tatıana Bashırova.
Vaktsınatsııa saýalnamany toltyrýdan bastalady. Ol jalpy jaǵdaıdy jáne sozylmaly aýrýlardy sıpattaıdy. Sodan keıin naýqasty dáriger tekseredi. Eger qarsy kórsetilimder bolmasa, onda adam vaktsınatsııadan ótedi.
Inektsııadan keıin vaktsınatsııadan keıingi baqylaý aımaǵynda 30 mınýt bolý kerek. Dárigerler naýqastyń jaǵdaıyn muqııat qadaǵalaıdy. Shuǵyl jáne shtattan tys jaǵdaılar úshin ortalyqta shuǵyl medıtsınalyq kómek aımaǵy jabdyqtalǵan.
«Búgin men ekpe alýǵa jubaıymmen keldim. Biz vaktsınanyń paıda bolýyn kúttik. «Spýtnık-V« týraly kóp oqydyq jáne onyń tıimdiligine senimdimiz. Biz vaktsınatsııany tegin jasaı alatynymyzǵa qýanyshtymyn. Barlyq dárigerler meıirimdi jáne vaktsınatsııa kezinde ár kezeńdi túsindiredi», - dedi qaraǵandylyq Krıstına Tokar.
