Koronavırýs: Qaraǵandy oblysynda 1600 adamǵa vaktsına salyndy
QARAǴANDY. QazAqparat – Qaraǵandy oblysynda medıtsına qyzmetkerlerin vaktsınalaý jumystary jalǵasýda, dep habarlaıdy QazAqparat tilshisi.
Búgingi tańda COVID-19 vaktsınatsııasymen 1600 adam qamtyldy. 22 aqpannan bastap taǵy 80 adam «Gam-Kovıd-Vak» (Spýtnık V) ekinshi dozasyn aldy.
«Oblysta vaktsınatsııadan keıingi asqynýlar tirkelgen joq. Qaraǵandy oblysynyń bas memlekettik sanıtarııalyq dárigeri ıÝrıı Zalygın «Spýtnık V» koronavırýstyq ınfektsııaǵa qarsy vaktsınanyń ekinshi komponentimen egildi. Vaktsınanyń ekinshi dozasyn birinshi sııaqty sanıtarııalyq dáriger MSAK bazasynda aldy. Algorıtm boıynsha bas dáriger medıtsınalyq baqylaýda 30 mınýt ótkizdi, onyń aıtýynsha, ol ózin jaqsy sezinedi», - dep málimdedi Qaraǵandy oblysy sanıtarlyq-epıdemıologııalyq baqylaý departamentiniń baspasóz qyzmeti.
Naqty aldyn-alýdyń jalǵyz ádisi – vaktsınatsııa. Denege vaktsına engizý aýrýdy týdyrýy múmkin emes, qorǵanys antıdenelerin shyǵarý arqyly ımmýndyq júıeni ınfektsııamen kúresýge múmkindik beredi. Profılaktıkalyq egýge qarsy kórsetilimderi joq adamdar jiberiledi. Vaktsınatsııa aldynda dárigerdiń mindetti tekserisi júrgiziledi. Egiletin adam jazbasha túrde profılaktıkalyq egýlerdi júrgizýge erikti túrde habardar etilgen kelisimge nemese bas tartýǵa qol qoıady. Eki satyly vaktsınanyń dozalaryn alý arasyndaǵy ınterval 21 kúndi quraıdy.
