Koronavırýs: Italııada naýryz aıynan bergi eń tómengi ólim kórsetkishi tirkeldi
RIM. ANSA-QazAqparat – Dúısenbi kúni Italııanyń azamattyq qorǵanys departamenti elde ótken táýlikte koronavırýstan 23 adam qaıtys bolǵanyn málim etti, Bul – eldegi naýryz aıynan beri bir kún ishinde tirkelgen eń tómengi ólim kórsetkishi. Jeksenbi kúni ol 24-ke jetken bolatyn, dep habarlaıdy QazAqparat ANSA agenttigine silteme jasap.
Úsh adam elde vırýstan eń kóp zardap shekken aımaq Lombardııada qaıtys bolǵan. Bul – 27 aqpannan beri aımaqta tirkelgen eń az ólim kórsetkishi. Qazirgi ýaqytta Italııada koronavırýstan kóz jumǵandardyń jalpy sany 34 657 adamǵa jetti.
Sondaı-aq, departament elde bir táýlikte koronavırýs juqtyrýdyń 218 jańa jaǵdaıy tirkelgenin habarlady. Olardyń 143-i Lombardııadan anyqtalǵan.
Dúısenbi kúni eldiń Apýlııa, Frıýlı-Venetsııa-Djýlııa, Sıtsılııa, Sardınııa, Ýmbrııa, Valle-d'Aosta jáne Bazılıkata aımaqtarynda birde-bir koronavırýs juqtyrý jaǵdaıy tirkelmegen.
183 426 adam saýyǵyp shyqqan.
Italııada COVID-19 vırýsyn juqtyrǵandardyń jalpy sany 238 720 adamǵa jetti.
