Koronavırýs: Italııada karantınniń jańa talaptary engizildi

RIM. QazAqparat – Italııada koronavırýs jaǵdaılarynyń kóbeıýine baılanysty shekteýdi kúsheıtý jóninde birqatar jańa sharalar týraly jarııalandy, dep habarlaıdy QazAqparat ANSA agenttigine silteme jasap.

Italııanyń Premer-Mınıstri Djýzeppe Konte bul jańa oqshaýlanýdy boldyrmaý úshin jasalǵan shara dep málimdedi.

Merler 21:00-den keıin qoǵamdyq oryndardy jabý quqyǵyna ıe bolady, al meıramhanalardyń jumys ýaqyty men ruqsat etilgen toptardyń sany qysqarady.

Italııada ekinshi kún qatarynan aýrý juqtyrýdyń táýliktik deńgeıi eń joǵarǵy kórsetkishke jetkennen keıin osyndaı sheshim qabyldandy.

Jeksenbi kúni taǵy 11 705 adam koronavırýsqa shaldyqqan. Bul kórsetkish senbi kúngi ornaǵan rekordan (10 925 adam) da asyp tústi.

BBC agenttiginiń habarlaýynsha, qazirgi ýaqytta elde 414000 rastalǵan koronavırýs jaǵdaıy tirkelgen. 36 500 adam kóz jumǵan. Italııa Eýropa elderi arasynda ólim jaǵdaılarynyń sany boıynsha Ulybrıtanııadan keıingi ekinshi orynda.

Buǵan deıin Frantsııa men Italııa koronavırýs ınfektsııasynyń táýlik ishindegi ósimi jaǵynan antırekordty qaıta jańartqany týraly habarlaǵan bolatynbyz.