Koronavırýs: Italııada dúkender jabylyp jatyr

Eýropada basqa elderge qaraǵanda Italııa vırýstan qatty zardap shegip otyr. Elde koronavırýs juqtyrǵandar men qaıtys bolǵandar sany ósýde, dep habarlaıdy QazAqparat BBC- ge silteme jasap.

Eldiń premer-mınıstri Djýzeppe Konteniń málimdeýinshe, barlar, meıramhanalar men shashtarazdar da jabylady. Shekteý 25 naýryzǵa deıin qoıylǵan.

Elde mektepter, sport zaldary, mýzeıler, túngi klýbtar men basqa da mekemeler jabyq tur.

Qazirgi ýaqytta Italııada 12 myń koronavırýs juqtyrý jaǵdaıy tirkeldi, qaıtys bolǵandar sany 827 adamǵa jetti.

Vırýs «ıÝventýs» fýtbol klýbynyń oıynshysy Danıele Rýganıden tabyldy.

Málimdemede «ıÝventýs» klýbynyń qazirgi ýaqytta komanda ishinde barlyq qajetti protsedýralardy júrgizip jatqany, sonyń ishinde Rýhanımen baılanysta bolǵandardy oqshaýlap jatqany aıtylǵan.

DDSU tótenshe jaǵdaılar jónindegi baǵdarlamalar jetekshisi Maıkl Raıannyń aıtýynsha, Italııada koronavırýs juqtyrǵan 900 adam jansaqtaý bóliminde jatyr.

Dúnıejúzilik densaýlyq saqtaý uıymy (DDSU) jańa koronavırýstyń taralýy pandemııa deńgeıine jetkenin málim etti, sebebi vırýs kóptegen elder men barlyq qurlyqty qamtyǵan.

Doktorr Tedros Gebreıesýs DDSU-nyń jańa koronavırýsqa qarsy kúres kezinde buǵan deıin bergen keńesterin ózgertpeıtinin aıtty. Ol úkimetterdi «shuǵyl jáne agressıvti sharalar» qabyldaýǵa shaqyrdy.

DDSU basshysynyń málimdemesinen keıin keıbir elder vırýstyń taralýynyń aldyn alý úshin shekteýlerdi qatańdatty.

514 adam aýrýǵa shaldyqqan Danııada juma kúni barlyq mektepter men ýnıversıtetter jabylady. Úkimet 100 adamnyń qatysýymen ótetin barlyq sharalardy toqtatýǵa shaqyrdy.

Úndistan 15 sáýirge deıin vıza berýdi toqtatty. Gvatemala beısenbi kúni Eýropa elderiniń azamattaryna elge kirýge tyıym saldy.

AQSh prezıdenti Donald Tramp koronavırýstyń taralýynyń aldyn alý úshin 30 kúnge Eýropa men AQSh arasyndaǵy kólik qatynasyn toqtatynyn jarııalady.