Koronavırýs: Italııa úkimeti komendant saǵatyn engizedi

RIM. ANSA – QazAqparat – Italııa úkimeti COVID-19 juqtyrýshylar sanynyń artýyna baılanysty el aýmaǵynda ekinshi qatań karantın rejimin engizedi. Ol búgingi kúnnen bastap 2020 jylǵy 3 jeltoqsanǵa deıin qoldanysta bolady, dep habarlaıdy QazAqparat ANSA agenttigine silteme jasap.

Karantın aıasynda Italııa qalalarynda jergilikti ýaqyt boıynsha keshki saǵat 22:00-den bastap tańǵy 05:00-ge deıin komendant saǵaty jarııalanady.

Mektep avtobýstaryn qospaǵanda qoǵamdyq kólikterdiń syıymdylyǵy 50% -dan kóp bolmaýy kerek. Úkimettiń qaýlysyna sáıkes krýızder de toqtatylady.

Elde koronavırýs ınfektsııasynyń taralýyn boldyrmaýǵa arnalǵan basqa sharalar qatarynda orta mektepterde qashyqtan oqytý, demalys kúnderi murajaılar men saýda ortalyqtaryn jabý da bar.

Budan ári sharalar jergilikti jerlerde kem degende eki aptanyń ishinde aımaqtarmen kelise otyryp qabyldanady, delingen Italııa úkimetiniń qaýlysynda.

Naqty sandarǵa keletin bolsaq, Italııanyń Densaýlyq saqtaý mınıstrliginiń málimeti boıynsha, sońǵy 24 saǵat ishinde elde COVID-19 juqtyrýdyń 30 550 jańa jaǵdaıy tirkelgen. Koronavırýstan Italııada taǵy 353 adam kóz jumǵan. Elde COVID-19 vırýsynan qaıtys bolǵandardyń jalpy sany 39 764 adam.

Italııanyń densaýlyq saqtaý mınıstrliginiń keńesshisi Jovannı Retstsa COVID-19 ınfektsııasy juqtyrý, sondaı-aq ólim jaǵdaılarynda turaqtylyq bar ekenin, biraq olardyń sany áli de joǵary ekenin atap ótti.